top of page

Рэзалюцыі Сойму Вольнай Беларусі

АБ ДЭАКУПАЦЫІ БЕЛАРУСІ


Сітуацыя ў Беларусі пагаршаецца ў сувязі з рашэньнем Расеі ўвесьці ў Беларусь сваю ядзерную зброю. Гэта можа выклікаць катастрафічныя наступствы для Беларускага народа, для народаў-суседзяў і для ўсёй Эўропы.

Улічваючы ўзрастаньне небясьпекі для Беларусі і для Эўропы, мы сцьвярджаем, што першачарговай задачай урадаў краінаў Эўропы і краінаў Арганізацыі Аб'еднаных Нацыяў ёсьць неабходнасьць засьведчыць рэальнасьць акупацыі і вайны, прызнаць Рэспубліку Беларусь акупаванай дзяржавай войскамі Расейскай Федэрацыі, патрабаваць дэакупацыі краіны і вываду расейскіх акупацыйных войскаў зь Беларусі.



ПРА ЗБРОЙНУЮ СІЛУ


Нацыянальна-Вызвольны Рух "Вольная Беларусь" пацьвярджае ўсебаковую падтрымку дзеяньням і барацьбе палка Каліноўскага і ўсім беларускім збройным фармаваньням, якія змагаюцца супраць расейскай агрэсіі ва Ўкраіне.

У змаганьні з расейскім ворагам і ва ўмацаваньні гэтых беларускіх збройных фармаваньняў ва Украіне існуе зарука беларускай перамогі над тэрарыстычнымі рэжымамі Пуціна і Лукашэнкі.



ПРА БЕЛАРУСКУЮ МОВУ


Усеагульнай задачай усіх сяброў Нацыянальна-Вызвольнага Руху "Вольная Беларусь" ёсьць асьвета і папулярызацыя роднай Беларускай мовы, якую нішчыць антыбеларускі акупацыйны рэжым Лукашэнкі.

Беларуская мова ёсьць наша найвялікшая нацыянальная культурная каштоўнасьць, зь якой усе беларусы з вымушанай эміграцыі вернуцца ў Бацькаўшчыну, каб будаваць вольную дэмакратычную Беларусь.


24 чэрвень 2023 г.

Рух "Вольная Беларусь"

Comentarios


Anchor 1
bottom of page