19-га верасьня 1991 г., дзякуючы перш за ўсё стараньням дэпутацкай Апазыцыі БНФ, Вярхоўны Савет Рэспублікі Беларусь зацьвердзіў нацыянальныя гістарычныя сымвалы народа Бел-Чырвона-Белы Сьцяг і гэрб Пагоня ў якасьці дзяржаўных сымвалаў Рэспублікі Беларусь. Слаўная гісторыя нашых старажытных сымвалаў. Жывая рэчаіснасьць. Нашыя сымвалы сталі сакральнымі для памяці і будучыні. Памятаем пра даты. Надыходзіць сьвята беларускага нацыянальнага гэрба «Пагоня» і нацыянальнага дзяржаўна

А ўвогуле за ўсю нашу гісторыю (і нават за ўсю "ня нашу") я не знаходжу факту і нават падабенства такой ірацыянальнай, цынічнай, наcтырнай, міжнародна падтрыманай і легальнай хлусьні ды бессаромнага гуляньня ў голага караля, што я бачу цяпер на фоне пакутаў і зьнішчэньня беларускай нацыі. Тыя, што сьведама справакавалі масавыя рэпрэсіі і нацыянальны пагром, -- тыя цяпер феерычна лгуць, красуюцца, ствараюць фантомы "нечага", бавяцца ў барацьбу, у лідарства, рытарычна пагражаюц

Меркавалася вызваліць некалькі сот закладнікаў. Перамовы не далі чаканага выніку з прычыны звыкла неразумных публічных разважаньняў розных псэўдаэкспэртаў, журналістаў ды грантавых плітаматараў, якія наладзілі гучную гаварыльню з прароцтвамі аб пасьпяховых дзеяньнях Джона Коўла, прыніжаючы пры гэтым Лукашэнку, як асобу, якая залежная ад свайго хаценьня і амэрыканскіх перспэктыў. Пасьля гэтага дрэнны вынік «дыялогу» можна было прадбачыць. Так званыя гаворачыя «экспэрты» даклад

Некалі на 20-годдзе БНФ «дэмсмі» выпусьцілі юбілейны 16-хвілінны фільм пра стварэньне і дзейнасьць Народнага Фронта. Фільм зрабіў нейкі штатны журналіст з радыё Свабода (прозьвішча ня памятаю, а шукаць у Сеціве няма часу і патрэбы). Галоўнае, што на працягу ўсяго фільма пра Фронт ні разу не было названае нават маё імя (гэта значыць чалавека, які ствараў і ўзначальваў Фронт). Клас! Тут зьява ў чыстым выглядзе (і назва яе нядобрая). Існуе яшчэ такое выданьне, якое зьяўляецца сь

Для беларускіх нацыянальных інтарэсаў трэба ліквідаваць заходнюю блакаду нашай краіны, параліч гандлю і нацыянальнай эканомікі з боку Эўропы. У нацыянальных інтарэсах -- трэба адрываць Беларусь ад Расеі (калі казаць прагматычна і з гледзішча ваеннай тактыкі – спрыяць памяншэньню залежнасьці Лукашэнкі ад Масквы), даць магчымасьць народу Беларусі кантактаваць з заходнімі партнёрамі. У гэтай сытуацыі важна адчыніць дарогу для гандлю з Захадам беларускімі калійнымі ўгнаеньнямі. Т

Нядаўна даведаўся, што Офіс СЦ віленскія беларусы называюць "штабікам". Трэцяга верасьня "штабік" прынялі ў сэйме Летувы. Там былі спадары Лябедзька, Кучынскі, Франак Вячорка і ўся галоўная рэзідэнтура "осц". Відаць, яны шмат нагаварылі, бо вынікам нагавору тут жа стала публічная заява спікера Ю. Олекаса: "мы придерживаемся позиции, что санкции против Беларуси должны быть усилены". "Действуют экономические санкции, -- адзначана далей, -- в сфере торговли, финансов, транспорта

Сярод грантавых і «невераятных» доўжыцца брыдкая сварка зь нянавісьцю, хамствам і бруднаслоўем. Дзьве тэмы. Першая -- «усеабдымная». Энтузіясты імкнуцца палічыць, куды йдуць грантавыя грошы групы сп. Ціханоўскай, патрабуюць адкрытасьці і справаздачнасьці. Другая тэма – крыўда на «дэмсмі» за неразборлівасьць у словах, ды фактах і пагроза зьвярнуцца да грантадаўцаў аб пакараньні парушальнікаў. Дрэннасьць гэтага балагану ў тым, што ўсё яно вельмі маргінальнае, адбываецца на нізк

Паважаныя землякі, дарагія беларусы. Віншуем нас усіх зь вялікім нацыянальным і гістарычным сьвятам 25-м Жніўня -- Днём Незалежнасьці Рэспублікі Беларусь. 25-га Жніўня 1991 года, дзякуючы, перш за ўсё, вызвольнай палітыцы Беларускага Народнага Фронту "Адраджэньне" і найперш гераічнаму і разумнаму змаганьню Дэпутацкай Апазыцыі БНФ і дэмакратычных дэпутатаў у Вярхоўным Савеце, Беларусь стала незалежнай краінай праз наданьне сілы канстытуцыйнага закона Дэклярацыі аб дзяржаўным с

35 гадоў таму 19 жніўня 1991 года адбыўся "камічны" камуністычны путч у Маскве. Так званы ГКЧП. Для людзей збоку (а такіх бальшыня) ён запомніўся доўгім танцам маленькіх лебядзяў з балета Чайкоўскага на тэлеэкране і трасучыміся рукамі "камандзёра" путчу, практычна, нікому невядомага дагэтуль Янаева (які ў рэальнасьці быў віцэ-прэзыдэнтам СССР). Камэдыя доўжылася тры дні, але задумка яе была далёка ня сьмешная. Калі б дэмарш узначалілі не паталагічныя бездары ды баязьліўцы, т

УКРАІНА 2026 Вясна. Зелянее прастор. Зацьвітае падбел. Палкавы мінамёт. Не сьпяваюць шпакі. Сьвішча міна Над плыткім акопам. ПАМЯЦЬ ПРА КАЛІНОЎЦАЎ У гэтай магіле Ляжаць пабрацімы. А я ўвогуле не на вайне. І цяжка ў душы, -- Не было мяне з вамі, братове. У КІЕВЕ Ў ЧАС ВАЙНЫ Людзі йдуць Уздоўж сьцяны памяці, І забітыя з фатаграфіяў Моўчкі глядзяць. СТАНІСЛАЎ* Страляў танк. Уздрыгнуліся сьцены. Абвалілася столь. Пруць маскалі. Па пояс прыціснула ногі Ка

23 жніўня (нядзеля) запрашаем беларусаў разам адзначыць адну з найважнейшых падзей у гісторыі нашай краіны – 25 Жнівень – Дзень Незалежнасьці Рэспублікі Беларусь – у Прасторы «Новая Зямля» ў Беластоку. 25 жніўня 1991 году Актам Вярхоўнага Савета пры аднагалосным галасаваньні Незалежнасьць Беларусі набыла канстытуцыйную сілу. Былі прынятыя важныя законы аб незалежнасьці беларускай дзяржавы. Гэта дзень, калі палітычна і юрыдычна была рэалізаваная мара многіх пакаленьняў белару

Украінцы шануюць памяць сваіх загінулых ваяроў. На Сьцяне памяці ў Кіеве дзясяткі тысячаў фатаграфіяў тых, хто аддаў жыцьцё за вольную Украіну. Загінулыя героі глядзяць на нас тысячамі адчыненых вачэй, нібы з таго сьвету, і гэта сьціскае сэрца. У канцы сьцяны пад Бел-Чарвона-Белымі сьцяжкамі ёсьць некалькі фатаграфіяў загінулых беларусаў (фота 1). Беларускай сьцяны памяці яшчэ не існуе (загінула шмат). Ёсьць два пахаваньні побач з магіламі ўкраінцаў на могілках у Кіеве (фота

Першы гістарычна вялікі і сымвалічна-палітычны этап -- гэта 25 Сакавік 1918 года -- аб'яўленьне Незалежнасьці Беларускай Народнай Рэспублікі. Дзень Волі. Перамога Беларускай Нацыянальнай ідэі. Адсюль пачалася новая гісторыя Незалежнай Беларусі. Другі этап, важны для аднаўленьня незалежнасьці, -- 27 ліпень 1990 года, дзень прыняцьця Дэклярацыі аб суверэнітэце Беларускай ССР. Гэта быў дэкляратыўны крок у накірунку да Незалежнасьці Рэспублікі Беларусь. Задума прыняцьця дэклярацы

Галоўная задача псэўдаапазыцыі ў аўтарытарным рэжыме -- ня даць утварыцца сапраўднай ідэёвай нацыянальна-дэмакратычнай апазыцыі. А калі нешта рэальнае стане існаваць, тады пастарацца маргіналізаваць тое ў сродках масавай інфармацыі і дзеяньнямі адміністрацыйнай улады. Псэўдаапазыцыя, створаная пры дапамозе КГБ ў 2000 годзе, тым і займалася пры падтрымцы з усходу і захаду. Задача псэўдаапазыцыі 2020 года, створанай у эміграцыі, тая ж самая, плюс фантастычна вырабленая фальшыва

Характэрнае назіраньне. Як толькі ў Сеціве зьяўляюцца мае відэа, пасьвечаныя тэме расейскага генацыду і людабойства савецкага НКВД (асабліва ў "цік-ток"), тут жа выяўляецца небывалая актыўнасьць самых цёмных сіл. Іх столькі, што ўзьнікае ўражаньне, быццам яны вылазяць з самой апраметнай. Усе мяне абзываюць, зьневажаюць, абгаджваюць, пагражаюць, корчацца ад нянавісьці. Гэта сапраўды зьдзіўляе. Збычайна "боты", тролі, дурні, вар'яты і т. п., калі размова ідзе на іншыя палітычны

Калі вайна скончыцца не на карысьць Расеі і Расея аслабне, і калі абваліцца фашысцкі рэжым у Расеі і антынародны рэжым у Беларусі, і стане вольная Беларусь зь беларускай дэмакратычнай уладай, тады галоўнае -- не зрабіць вялікай геапалітычнай памылкі: не ўступіць у Эўразьвяз. Трэба абмежавацца гандлем, супрацоўніцтвам і добрымі ўзаемаадносінамі зь лібэральнай Эўропай. Эўразьвяз -- гэта дэмаграфічна і маральна дэградуючая цывілізацыя, эканамічная палітыка якой пабудавана па кал

Ворагі нацыі толькі што (ліпень 2026г.) выдалі чарговую прыдуманую падставу для рэпрэсіяў супраць беларусаў. У "экстрэмісты" залічылі беларускіх ваяроў-дабраахвотнікаў падразьдзелу "1514", якія ваююць супраць расейскіх агрэсараў-тэрарыстаў ва Украіне (гэта каб нішчыць і тэрарызаваць ваярскія сем'і і сваякоў у Беларусі). Таксама аб'явілі "экстрэмісцкай" народную праграму "Вольная Беларусь". (Шчыра кажучы, невядома навошта; мяркую, што ў бліжэйшы час аб'явяць "экстрэмісцкай" на

Тут скажу пра сутнасьць справы коратка, бо тлумачыць ужо няма сэнсу. Заява прэзыдэнта Украіны спадара Зяленскага (19-06-2026) аб намерах зьнішчэньня чатырох расейскіх рэтрансьлятараў палёту дронаў, разьмешчаных на дахах жылых дамоў у Беларусі і ў сытуацыі, калі Расея інтэнсіўна шукае спосабу ўцягнуць рэжым Лукашэнкі ў вайну, -- такая заява ёсьць стратэгічнай памылкай, небясьпечнай для Украіны і Беларусі. (Тым больш, улічваючы правакацыю Расеі з нападам дрона на беларускі аўт