ПРА СУТНАСЬЦЬ НЕНАЦЫЯНАЛЬНАЙ ПАЗЫЦЫІ

Прарасейскасьць "невераятных" іхняя абыякавасьць і нават варожасьць да беларускай нацыянальнай ідэі пазнаецца проста. Ніхто зь іх ня ведае, ня хоча ведаць, ніколі ня кажа і ня піша пра Беларускае нацыянальнае Адраджэньне, пра гістарычную заваёву Незалежнасьці Беларусі Беларускім Народным Фронтам у 1991 годзе, пра ліквідацыю расейскага камунізму ў Беларусі, пра стварэньне незалежнай Рэспублікі Беларусь і дэмакратычнага заканадаўства новай незалежнай краіны. Для прарасейскай апазыцыі лукашызму сьвет пачаўся ў 2020 годзе. Іншае ім невядомае і варожае ды абхлушана прарасейскай агентурай і нанятымі прапагандыстамі.

зп.