Напярэдадні Дня Волі беларускія патрыёты аднавілі ў Тбілісі мэмарыял беларускім героям, загінуўшым ва Украіне.
Удзельнікі ўшанавалі памяць загінуўшых хвілінай маўчаньня, усклалі кветкі і запалілі зьнічы.
Супольны грузіна-беларускі мэмарыял пачаў утварацца пасьля пачатку паўнамаштабнай вайны Расеі супраць Украіны.
Грузіны і беларусы разам ўсталёўваюць партрэты загінуўшых ва Украіне ваяроў. Зараз мэмарыял знаходзіцца ў Тбілісі на Плошчы Герояў.